Восеньскія кірмашы запрашаюць пакупнікоў
У мінулую суботу ў Мар’інай Горцы адбыўся другі восеньскі кірмаш. Сваю прадукцыю прапанавалі сельскагаспадарчыя прадпрыемствы, гандлёвыя арганізацыі, фермер-скія гаспадаркі, індывідуальныя прадпрымальнікі, а таксама грамадзяне, якія вырасцілі агародніну на ўласных падворках.
Геаграфія прывезенай прадукцыі выходзіць за межы нашага раёна. Шэсць гандлёвых кропак устанавілі прадаўцы са Столінскага раёна Брэсцкай вобласці, дзве — з горада Тураў Жыткавіцкага раёна Гомельскай вобласці, чатыры — прадпрымальнікі з Асіповіцкага раёна Магілёўскай вобласці.
Шырокі выбар па гатунках і цэнах мелі бульба, капуста, морква, цыбуля, буракі і іншая гародніна, а таксама мёд, кветкі і са-джанцы.
Асаблівым попытам карысталася зерне. Так, машына ААТ «Племзавод «Індустрыя», якая прывезла ячмень, авёс, пшаніцу і рапс, апусцела ўжо за дзве гадзіны гандлю.
Чэргі ўтвараліся таксама ля гандлёвых кропак рай-спажыўтаварыства, Слуцкага сыраробчага камбіната, ААТ «Тураўшчына», індывідуальнага прадпрымальніка з Асіповіч, які гандляваў рыбай.
Андрэй ГЕОРГІЕЎ.
8 кастрычніка восеньскі кірмаш адбудзецца ў горадзе Мар’іна Горка на тэрыторыі аўтадрома па вуліцы Кастрычніцкая; у пасёлку Дружны — на пляцоўцы каля аўтастаянкі па вуліцы Чэпіка; у гарадскім пасёлку Праўдзінскі — на пляцоўцы каля Дома культуры.
Пачатак у 9.00 гадзін.