Дзень снегу быў… снежным.
Зіма доўга не радавала нас снегам, але да Сусветнага дня снегу надвор’е выправілася: снегу было дастаткова для таго, каб і на лыжы стаць, і на санках пакатацца, і пагуляць у снежкі.
Весела правялі час школьнікі на гарадскім стадыёне, дзе прайшоў снежны фестываль.
Дзень снегу адзначаецца, пачынаючы з зімы 2012 года па ініцыятыве Міжнароднай федэрацыі лыжнага спорту, каб павысіць цікавасць да зімовых відаў спорту і прыцягнуць моладзь да актыўнага ладу жыцця.
Вучні гарадскіх школ, гімназіі і Голацкай СШ спаборнічалі ў лыжных і саначных эстафетах, перацягванні каната, кіданні валёнка.
Самымі спрытнымі і хуткімі аказаліся вучні СШ №4 горада Мар’іна Горка. Другое месца ў вучняў СШ № 3, а трэцяе — у Голацкай СШ.
Для ўсіх жадаючых на стадыёне таксама арганізавалі майстар-клас ад хакеістаў раённай каманды «Зорка» і далі магчымасць самастойна пакатацца на лыжах, санках, каньках.
Алена ІВАНОВА.