Тэхналогія струннага транспарту была прызнана інавацыйнай
На тэрыторыі раёна працягваецца будаўніцтва Экатэхнапарка — выпрабавальна-дэманстрацыйнай пляцоўкі струннага транспарту вучонага Анатоля Юніцкага.
Зіма не стала перашкодай для будаўнікоў. Паводле слоў спецыяліста па сувязях з грамадскасцю Skyway Technologies Co Анастасіі Ляйко, ужо знята апалубка з пілонаў паўночнай сцяны другога паверху транспартна-лагістычнага вузла SkyWay, сумешчанага з анкернай апорай, вядзецца падрыхтоўка да бетанавання перакрыцця другога ўзроўню, а таксама мантаж струн інтэлектуальнай струннай агароджы. Працягваюцца работы па стварэнні пешаходнай сцежкі, якая на этапе будаўніцтва будзе выконваць функцыю пад’язной дарогі.
У лютым адбылася важная для кампаніі SkyWay падзея: тэхналогія струннага транспарту была прызнана экспертным саветам пры Міністэрстве транспарту Расійскай Федэрацыі інавацыйнай.
