4 чэрвеня ў Мар’інай Горцы адбудзецца велапрабег
У суботу, 4 чэрвеня, у Мар’інай Горцы адбудзецца велапрабег, прысвечаны 71-й гадавіне Перамогі ў Вялікай Айчыннай вайне. У ім могуць прыняць удзел усе жадаючыя ва ўзросце ад 16 гадоў (малодшыя — толькі ў суправаджэнні прадстаўніка дзіцяці альбо ў складзе арганізаванай групы). Веласіпедысты адправяцца па маршруце: горад Мар’іна Горка (парк імя Любы Гайдучонак) — прывакзальная плошча —ваенная частка 89417 — вёска Залужжа — аграгарадок Блужа (помнік Мікалаю Чэпіку) і назад. Фініш велапрабегу —на плошчы каля палаца культуры ў Мар’інай Горцы.
Рэгістрацыя ўдзельнікаў пачынаецца ў 9.00, старт велапрабегу — у 11 гадзін.
