Зарэгістраваны кандыдаты ў дэпутаты
Завершана рэгістрацыя кандыдатаў у дэпутаты Палаты прадстаўнікоў Нацыянальнага сходу Рэспублікі Беларусь.
Па Пухавіцкай выбарчай акрузе № 65 кандыдатамі ў дэпутаты Палаты прадстаўнікоў Нацыянальнага сходу Рэспублікі Беларусь шостага склікання зарэгістраваны (у алфавітным парадку):
— Валерый Уладзіміравіч Гайдукевіч, 19 студзеня 1953 года нараджэння, дэпутат Палаты прадстаўнікоў Нацыянальнага сходу Рэспублікі Беларусь пятага склікання. Месца жыхарства: Мінская вобласць, Мінскі раён, г. Заслаўе, вул. Прыазёрная, д. 9. Беспартыйны. Даход за 2015 год склаў 43 153 рублі 75 капеек;
— Наталля Валянцінаўна Ільініч, 8 ліпеня 1961 года нараджэння, пенсіянерка. Месца жыхарства: Мінская вобласць, Пухавіцкі раён, в. Талька, вул. Васільева, д. 18. Член партыі Беларускі народны фронт. Была асуджана ў 2007 годзе па ст. 427 ч. 1 Крымінальнага кодэкса Рэспублікі Беларусь. Даход за 2015 год склаў 7 200 рублёў;
— Іна Яўгенаўна Фяксель, 26 верасня 1967 года нара-джэння, галоўны рэдактар дзяржаўнай установы “Рэдакцыя газеты “Навіны Старадарожчыны”. Месца жыхарства: Мінская вобласць, Старадарожскі раён, г. Старыя Дарогі, завул. 8 Сакавіка, д. 3. Беспартыйная. Даход за 2015 год склаў 14 632 рублі 85 капеек;
— Аляксандр Пятровіч Шкут, 26 сакавіка 1993 года нараджэння, намеснік дырэктара па агульных пытаннях навукова-вытворчага кааператыва “Вектар”. Месца жыхарства: г. Мінск, вул. Панамарэнка, д. 54, кв. 20. Член Ліберальна-дэмакратычнай партыі. Даход за 2015 год склаў 1 250 рублёў 84 капейкі.
Адпаведна прадугледжанаму Выбарчым кодэксам Рэспублікі Беларусь парадку перадвыбарнай агітацыі, кандыдаты ў дэпутаты Палаты прадстаўнікоў Нацыянальнага сходу Рэспублікі Беларусь шостага склікання, а таксама іх давераныя асобы могуць праводзіць агітацыйныя мерапрыемствы з моманту рэгістрацыі і да 10 верасня 2016 года ўключна.
Выбары дэпутатаў Палаты прадстаўнікоў Нацыянальнага сходу Рэспублікі Беларусь шостага склікання адбудуцца 11 верасня 2016 года.
Акруговая выбарчая камісія Пухавіцкай выбарчай акругі № 65.
