Асартымент папаўняецца
У Мар’інай Горцы ў магазіне “Прадукты” Пухавіцкага раённага спажывецкага таварыства, што знаходзіцца на вуліцы Чырвонаармейская, дзе працуе фірменная секцыя ААТ “Камунарка”, адкрылася і фірменная секцыя прадукцыі ЗТАА “Зярнятка-плюс”. Прадпрыемства вырабляе разнастайныя гатункі печыва. У гандлёвай секцыі яно прадставіла як наборы печыва, так і ўпакоўкі з адным найменнем. Як паведамілі ў раённым спажывецкім таварыстве, зараз ідзе вывучэнне попыту пакупнікоў. Паводле яго выніку будзе фарміравацца асартымент прадукцыі, прадстаўленай ў фірменнай секцыі.