У Мікалая Ляпешкі лепшы у раёне вынік на касьбе .
Імя Мікалая Ляпешка з ААТ “Агра-Абярэг” даволі часта гучыць сярод імёнаў лепшых працаўнікоў раёна. Малады чалавек неаднаразова быў у ліку лепшых сейбітаў. Сёлета Мікалай Мікалаевіч вызначыўся на корманарыхтоўцы: ён скасіў 1193 гектары. Гэта лепшы вынік у раёне.
У гаспадарцы механізатар працуе 9 гадоў, на касьбе задзейнічаны трэці сезон. Маладога перадавіка старэйшыя калегі характарызуюць як стараннага і адказнага работніка, які не толькі ведае, але і любіць сваю справу.
Дзякуючы намаганням Мікалая Ляпешкі і астатняй каманды гаспадаркі, ААТ “Агра-Абярэг” першым укосам нарыхтавала 8000 тон зялёнай масы. Хутка травы падрастуць, і на рахунку Мікалая Мікалаевіча будуць новыя гектары.
Кацярына ВЕРНІКОЎСКАЯ.