Навучэнцы школы мастацтваў сталі лаўрэатамі конкурсу «Крыштальны васілёк».
З узнагародамі вярнуліся з Міжнароднага конкурсу мастацтваў «Крыштальны васілёк», які адбыўся ў Мінску, навучэнцы Мар’інагорскай дзіцячай школы мастацтваў. У намінацыі «Інструментальнае выканальніцтва. Сола. Фартэпіяна» Аляксандр Антановіч стаў лаўрэатам III-й ступені, Марыя Матусевіч, Лізавета Лагунчык, Марыя Мотуз атрымалі дыпломы II-й ступені. Да конкурсу гэтыя юныя музыканты рыхтаваліся пад кіраўніцтвам педагогаў Валянціны Шэцко і Наталлі Захарчук. Парадавала свайго педагога Анастасію Рудзянкову і Лізавета Алексіенка, якая стала лаўрэатам II-й ступені ў намінацыі «Інструментальнае выканальніцтва. Сола. Цымбалы». Такую ж узнагароду атрымалі Марыя Матусевіч і Меланія Мурзіч у намінацыі «Інструментальнае выканальніцтва. Дуэт. Фартэпіяна». Яны таксама вучаніцы Валянціны Шэцко і Наталлі Захарчук.
Наталля ВАСІЛЬЕВА.