Чакаем выбаршчыкаў.
Заўтра гасцінна адчыніць свае дзверы выбарчы Новазаранскі ўчастак № 50, які створаны на базе Мар’інагорскай
школы мастацтваў. Кожны, хто не зрабiў свой выбар датэрмінова, зможа зрабіць яго ў дзень асноўнага галасавання.
— На нашым участку галасуе 1414 выбаршчыкаў, — расказвае старшыня выбарчай камісіі Алена Гурская (на здымку). — Моладзі сярод іх нямнога, але 12 чалавек менавіта тут зробяць свой выбар упершыню. На ўчастку ўсё падрыхтавана для таго, каб кожны чалавек у камфортных для сябе ўмовах змог прагаласаваць за свайго кандыдата. А для таго, каб дзень выбараў быў не проста звычайным днём, мы арганізуем для выбаршчыкаў канцэрт народнага ансамбля народных
інструментаў «Крыніца».