Галасуюць і ў Мар’інагорскай ЦРБ.
На закрытым бальнічным ўчастку № 48 (Мар’інагорская ЦРБ) галасаванне завяршаецца звычайна ўжо ў першай палове дня, таму што пацыенты, як правіла, робяць свой выбар з самай раніцы.
Сярод першых, хто прагаласаваў, быў і пацыент хірургічнага аддзялення Пётр Нікіценка.
Ён прызнаўся, што ўпершыню галасуе не на сваім выбарчым участку. Але хвароба не выбірае зручныя для нас дні. І добра, што нават у бальницы людзі могуць зрабіць свой выбар. Праўда, яго рабіць складаней, таму што кандыдаты не так добра знаёмы. Быць можа, менавіта таму выбаршчыкі не спяшаюцца пакідаць кабінкі: вывучаюць інфармацыю пра кандыдатаў.
— На нашым закрытым участку прагаласуе 151 чалавек, — гаворыць старшыня выбарчай камісіі Аляксандр Копать.— Спісы карэктыраваліся да апошняй хвіліны. Мы працавалі ў пастаянным кантакце з іншымі выбарчымі ўчасткамі. На ўсіх ёсць інфармацыя аб тым, хто апынуўся ў бальніцы і будзе галасаваць тут.
Тых пацыентаў, якія па прычыне хваробы не ў стане прыйсці на ўчастак для галасавання, члены выбарчай камісіі наведаюць у палатах.
Алена Шантыка.