Са святам вас, дарагія пухавіччане!
Дарагія ветэраны Вялікай Айчыннай вайны і ветэраны працы, жыхары раёна!
Сардэчна віншуем вас са святам — Днём Незалежнасці Рэспублікі Беларусь і 74-й гадавінай вызвалення Беларусі ад нямецка-фашысцкіх захопнікаў.
Нізкі паклон ветэранам Вялікай Айчыннай вайны, усім тым, хто ў смяротнай барацьбе з ворагам абараніў наша права на жыццё, хто адрадзіў Беларусь з руін. Гераізм і мужнасць абаронцаў Айчыны назаўжды застануцца ў нашай памяці як найвялікшы подзвіг беларускага народа.
Сёння мы будуем новую незалежную дзяржаву. Усіх нас аб’ядноўвае любоў да сваёй Радзімы, вернасць традыцыям, шчырае жаданне зрабіць сваю краіну яшчэ больш моцнай і прыгожай. За апошнія гады ў нашым раёне адбылося нямала добрых перамен. Аб’яднаўшы намаганні, мы павінны зрабіць усё для таго, каб Пухавіцкі раён і далей умацоўваў свае пазіцыі сярод іншых рэгіёнаў вобласці і рэспублікі.
Са святам вас, дарагія пухавіччане! Здароўя вам, поспехаў ва ўсіх справах, дабрабыту і шчасця. Няхай заўсёды будзе мірным неба над нашай Радзімай!
Раённы выканаўчы камітэт.
Раённы Савет дэпутатаў.