Сёння ў аграгарадку Голацк праходзіць раённы фестываль-кірмаш працаўнікоў вёскі «Дажынкі-2018»
Паважаныя працаўнікі вёскі!
Пухавіцкая зямля славіцца сваімі таленавітымі працавітымі людзьмі, добрымі традыцыямі. Сёння мы вітаем удзельнікаў раённага свята-кірмашу “Дажынкі-2018”. Гэта таксама адна з добрых традыцый, якая даўно жыве на нашай зямлі. Заўсёды ў пашане былі людзі, дзякуючы якім на наш стол прыходзіць хлеб. Сёлета працаўнікі вёскі насуперак усім перашкодам атрымалі нядрэнны ўраджай. Наш раён заняў другое месца ў абласным спаборніцтве на жніве. Гэта вынік нястомнай працы механізатараў, вадзіцеляў, спецыялістаў і кіраўнікоў гаспадарак, усіх, хто ў гарачую пару прыйшоў на дапамогу вяскоўцам і добрасумленна выконваў свае абавязкі.
Нізкі паклон нашай зямлі, якая аддзячыла за нялёгкую працу, падзяка і пашана ўсім, хто працаваў на гэтай зямлі.
Зроблены добры задзел пад ураджай будучага года. І няхай збудуцца ўсе нашы планы і мары, няхай больш важкім будзе хлебны колас. Са святам вас, дарагія сябры! Жадаем шчасця, здароўя, сямейнага дабрабыту і поспехаў у працы на карысць нашай Радзімы.
Пухавіцкі раённы выканаўчы камітэт.
Пухавіцкі раённы Савет дэпутатаў.