У сельгасарганізацыях раёна ідзе ўборка цукровых буракоў
У сельгасарганізацыях раёна ў гэтыя дні ідзе ўборка цукровых буракоў. На сваіх палетках сёлета гэту культуру вырошчвалі шэсць сельскагаспадарчых арганізацый.
На плошчы 200 гектараў цукровыя буракі вырошчвалі ў ААТ «Агра-Абярэг», на 164 — у ААТ «Зазерка», 130 гектараў адвялі ў ПСУ «Рудзенскае», 122 — у сельгасфіліяле «Дрычын».
Высокай ураджайнасцю вызначаюцца сёлета палеткі цукровых буракоў сельгасфіліяла «Дрычын», дзе збіраюць каля 520 цэнтнераў з гектара. У ААТ «Зазерка» вырасцілі таксама багаты ўраджай салодкіх караняплодаў: 500 цэнтнераў з гектара. 432 цэнтнеры атрымалі ў ПСУ «Рудзенскае».
Больш за ўсіх — 300 гектараў — адвялі пад цукровыя буракі ў ААТ «Племзавод «Індустрыя». Тут атрымалі самы багаты іх ураджай: 536 цэнтнераў з гектара.
Прыступілі да ўборкі караняплодаў у першай палове верасня. Ужо выкапалі іх на плошчы 220 гектараў, сабралі 11 тысяч 800 тон. Для цукровых буракоў год, у адрозненне ад многіх сельскагаспадарчых культур, па ўмовах надвор’я стаў вельмі спрыяльным.
— Мы вырошчваем цукровыя буракі ўжо трэці год, — расказвае галоўны аграном ААТ «Племзавод «Індустрыя» Дзмітрый Пішчык. — Пасеялі дацкае гібрыднае насенне, каб атрымаць большы ўраджай. Летась, напрыклад, таксама атрымалі больш за 500 цэнтнераў з гектара. Убіраем караняплоды з палёў тэхнікай ААТ «Слуцкі цукровы завод». Увесь ураджай плануем здаць на перапрацоўку на гэта прадпрыемства.
Каб атрымаць высокі ўраджай, у гаспадарцы выканалі ўсе неабходныя тэхналагічныя аперацыі: пасеялі лепшым насеннем, унеслі сродкі аховы раслін, своечасова правялі хімічныя апрацоўкі ад пустазелля.
Акрамя таго, ураджай залежыць і ад тэрмінаў уборкі. Як вядома, чым даўжэй будзе караняплод у зямлі, тым больш назапашвае ў сабе цукру, які неабходны для далейшай яго перапрацоўкі.
Анастасія ПЛЯТНЁВА.
Сахарная свекла — техническая культура, в корнях которой содержится много сахарозы, а поэтому очень выгодная для нашей страны и в частности для наших сахарных заводов, поэтому уборку и заготовку данной культуры необходимо проводить с максимальной ответственностью
Рейтинг комментария:00