Аддзяленне паштовай сувязі ў Наваполлі нічым не адрозніваецца ад гарадскога
Людміла Варапай і Людміла Красоўская.
Аддзяленне паштовай сувязі ў Наваполлі нічым не адрозніваецца ад гарадскога. Зручнае размяшчэнне ў цэнтры аграгарадка, даступнасць як шматлікім мясцовым жыхарам, так і дачнікам, якія ў летні перыяд любяць праводзіць на прыродзе адпачынак. Тут можна атрымаць усе паслугі, што і ў райцэнтры.
— Шматлюдна ў нас падчас аплаты камунальных плацяжоў, — расказвае начальнік аддзялення паштовай сувязі Людміла Варапай. — Многія спяшаюцца да нас, каб выпісаць друкаваныя выданні. Самыя папулярныя ў нашых жыхароў — «СБ Беларусь сегодня» і раённая газета «Пухавіцкія навіны».
У час падпісной кампаніі працы дабавілася і ў паштальёнаў Вольгі Рэмізевіч і Ірыны Матусевіч, якія разам абслугоўваюць дзевяць вёсак.
Анастасія ГЛЕБАВА.
