Акцыя «Дзеці ідуць у школу» атрымалася маштабнай
Акцыя «Дзеці ідуць у школу», якую праводзіла Пухавіцкая раённая арганізацыя грамадскага аб’яднання «Беларускае Таварыства Чырвонага Крыжа», сёлета атрымалася маштабнай. Яе ўдзельнікі сабралі і перадалі ў раённую арганізацыю ГА «БТЧК» неабходныя школьнікам рэчы на суму больш за 1 тысячу 600 рублёў. У выніку дапамогу атрымалі 198 чалавек. Актыўны ўдзел у акцыі прынялі многія неабыякавыя жыхары нашага раёна, валанцёры Чырвонага Крыжа і шэраг арганізацый: інспекцыя па падатках і зборах Рэспублікі Беларусь па Пухавіцкім раёне, Мінская ЦЭЦ-5, ААТ “Пухавічынафтапрадукт”, “Завод горнага воску”, прыватнае гандлёвае ўнітарнае прадпрыемства “Лукіс”, установы агульнай сярэдняй адукацыі горада Мар’іна Горка.
Людміла ДРЭНЬ,
старшыня Пухавіцкай раённай арганізацыі ГА “Беларускае Таварыства Чырвонага Крыжа”.