Генеральны дырэктар СТАА «Марозпрадукт» атрымаў званне «Чалавек года Міншчыны»
У мінулую пятніцу горад Маладзечна прымаў гасцей. Тут адбылося ўрачыстае мерапрыемства, прысвечанае 100-годдзю з дня ўтварэння БССР, і цырымонія прысваення ганаровага звання «Чалавек года Міншчыны». Прыемна, што сярод лаўрэатаў конкурсу ёсць і прадстаўнік нашага раёна. У намінацыі «Прамысловасць, гандаль і грамадскае харчаванне, бытавое абслугоўванне, фінансавая дзейнасць, прадпрымальніцтва» чалавекам года Міншчыны стаў Сяргей Васільевіч Дабудзька, генеральны дырэктар СТАА «Марозпрадукт». Прадукцыя гэтага прад-прыемства карыстаецца попытам далёка за межамі Беларусі. Яе асартымент пастаянна пашыраецца.
У мерапрыемстве прынялі ўдзел старшыня Мінскага абласнога выканаўчага камітэта Анатоль Ісачанка і памочнік Прэзідэнта — інспектар па Мінскай вобласці Ігар Яўсееў, ганаровыя госці, дэлегацыі ўсіх раёнаў вобласці.
У фае Палаца культуры былі разгорнуты выставы. Можна было пазнаёміцца з прадукцыяй прадпрыемстваў Міншчыны, работамі самадзейных майстроў. Асаблівую цікавасць выклікалі архіўныя фотаздымкі, матэрыялы маладзёжных арганізацый.
Вітаючы ўдзельнікаў мерапрыемства, старшыня аблвыканкама Анатоль Ісачанка сказаў, што Мінская вобласць славіцца высокімі тэхналогіямі, інавацыямі, дасягненнямі ў сельскагаспадарчай вы-творчасці і іншых сферах. Але галоўнае багацце — гэта жыхары рэгіёна, якія кожны дзень сваёй працай, талентам і творчасцю робяць наш край багацейшым і больш паспяховым.
Званне «Чалавек года Міншчыны» было прысуджана ў шасці намінацыях:
«Прамысловасць, гандаль і грамадскае харчаванне, бытавое абслугоўванне, фінансавая дзейнасць, прадпрымальніцтва»;
«Аграпрамысловы ком-плекс, ахова навакольнага асяроддзя, лясная гаспадарка»;
«Жыллёва-камунальная і дарожная гаспадарка, будаўніцтва і архітэктура, паліўна-энергетычны комплекс, транспарт і сувязь»;
«Сацыяльная сфера (сацыяльная абарона насельніцтва, культура, адукацыя, навука, фізічная культура, спорт і турызм, ахова здароўя)»;
«Забеспячэнне законнасці і правапарадку, папярэджанне і ліквідацыя надзвычайных сітуацый, умацаванне абараназдольнасці»;
«Дзейнасць органаў мясцовага кіравання і сама-кіравання, грамадская дзейнасць і духоўнае адраджэнне, маладзёжная і інфармацыйная палітыка».
Званне прысуджалася на конкурснай аснове за вялікі асабісты ўклад у рэалізацыю ідэй, якія далі значны эканамічны эфект або палепшылі арганізацыю працы, абслугоўванне насельніцтва, у распрацоўку і асваенне тэхналогій, вытворчасць новых відаў прадукцыі, якія маюць важнае народна-гаспадарчае значэнне.
Ганаровае званне «Чалавек года Міншчыны» за 2018 год прысвоена 28 прадстаўнікам цэнтральнага рэгіёну.
Удзельнікі мерапрыемства шчыра віталі лепшых працаўнікоў сталічнай вобласці. У святочным канцэрце прынялі ўдзел прафесійныя і самадзейныя артысты Міншчыны. Прыемна, што ў праграме прагучала некалькі песень нашага знакамітага земляка, кампазітара Ігара Лучанка.
Вольга САВАСЦЮК.