Гаспадаркі раёна дапамагаюць суседзям на ўборцы ўраджаю
Дзевяць сельскагаспадарчых арганізацый раёна завяршылі ўборку ўраджаю. Сярод іх ААТ «Агра-Абярэг», «Голацк», «Ражджэственскае-Агра», «Пухавіцкі райаграсэрвіс», «Аграсімвал», ПСУ «Рудзен-скае». Набліжаюцца да фінішнай прамой і іншыя сельгаспрадпрыемствы.
— Некаторыя гаспадаркі адправілі камбайны на дапамогу суседзям, — паведаміў начальнік аддзела вытворчасці і рэалізацыі прадукцыі ўпраўлення па сельскай гаспадарцы і харчаванні райвыканкама Сяргей Кавалёў. — Так, у апошнія дні камбайны ААТ «Аграсімвал» малацілі збожжа ў сельгасфіліяле «Дрычын». Дапамогу на жніве СУП «Дукора-Агра» аказалі камбайнеры ААТ «Ражджэственскае-Агра». Два збожжаўборачныя камбайны ПСУ «Рудзенскае» працавалі на шацкіх палях. Працаўнікі ААТ «Голацк» адправіліся дапамагаць у суседнія гаспадаркі ААТ «Зазерка» і ЭБ «Зазер’е». А на палях ААТ «Суцінскі» можна ўбачыць збожжаўборачную тэхніку ПЗ «Індустрыя».
Анастасія ГЛЕБАВА.