«Лівень ліў як з вядра!»
На Лагойшчыне прайшоў трохдзённы Маладзёжны фестываль для прадстаўнікоў сацыяльнай сферы «TourFest-2021»
Каманда пухаўчан прыняла актыўны ўдзел у мерапрыемстве.
Арганізацыйную падрыхтоўку традыцыйна ўзяў на сябе раённы камітэт БРСМ. Неабходную падтрымку аказалі УП «Жылцепласэрвіс» КГ Пухавіцкага раёна, ФОЦ «Вікторыя», ДЛГУ «Пухавіцкі лясгас» і ДУДА «Цэнтр турызму, дзяцей і моладзі Пухавіцкага раёна».
У склад каманды ўвайшлі работнікі культуры, адукацыі і аховы здароўя. Маладыя людзі годна прайшлі ўсе выпрабаванні. Галоўнымі з іх сталі… ўмовы надвор’я. Лівень ліў як з вядра! Але гэта не перашкодзіла нашай камандзе абсталяваць свой лагер і добра выступіць ва ўсіх відах спаборніцтваў.
Станіслаў БЕЛАВУСАЎ.