Незвычайны груз-падарунак атрымаў Пухавіцкі псіханеўралагічны дом-інтэрнат
На днях Пухавіцкі псіханеўралагічны дом—інтэрнат прымаў незвычайны груз—падарунак: ААТ «Слуцкі камбінат хлебапрадуктаў» перадаў гэтай сацыяльнай установе 600 кілаграмаў круп і мукі вышэйшага гатунку.
— Мы не маем сёння прыкладаў невыканання пастаўшчыкамі сваіх абавязкаў па забеспячэнні дома-інтэрната прадуктамі харчавання, — кажа дырэктар дома-інтэрната Уладзімір Рымашэўскі. — Аднак мы вельмі ўдзячны кіраўніцтву прадпрыемства за ўвагу. Гэты запас круп і мукі стане сваяго роду стратэгічным запасам.
Намер аказаць у гэтыя дні дапамогу пражываючым у доме-інтэрнаце выказалі таксама ААТ «Слуцкі сыра-дзельны камбінат», які плануе даставіць сюды 150 кілаграмаў сыроў, а таксама ААТ «Мінскі мясакамбінат» (даставяць 50 кілаграмаў каўбасы вышэйшага гатунку і 300 кілаграмаў мяса).
Алена ІВАНОВА.