Памёр малодшы сын Якуба Коласа Міхась Міцкевіч

Малодшы сын Якуба Коласа Міхась Міцкевіч памёр на 95-м годзе жыцця. Ён часта прыязджаў на Пухавіччыну, дзе праводзіў свята «Каласавіны». 

Міхась Міцкевіч нарадзіўся 31 студзеня 1926 года. У 1949 годзе скончыў Беларускі політэхнічны інстытут (на дадзены момант БНТУ), дзе вучыўся па спецыяльнасці «Тэхналогія машынабудавання». Затым ён працаваў у фізіка-тэхнічным інстытуце Нацыянальнай акадэміі навук Рэспублікі Беларусь, дзе займаў пасады малодшага навуковага супрацоўніка, галоўнага інжынера лабараторыі, а затым стаў галоўным навуковым супрацоўнікам.

За сваё жыццё Міхась Міцкевіч напісаў 150 навуковых прац і распрацаваў больш за 20 вынаходак, таксама з’яўляецца складальнікам кнігі пра бацьку «Якуб Колас. У думках, у сэрцы, у песнях». Ёсць ступень доктара тэхнічных навук, быў Лаўрэатам Дзяржаўнай прэміі БССР.