Першакласніцы са шматдзетнай сям’і Бажанавых атрымалі падарункі напярэдадні навучальнага года
У шматдзетнай сям’і Бажанавых з Мар’інай Горкі Дня ведаў з нецярпеннем чакалі сястрычкі-блізняты Вікторыя і Настасся. Сёння дзяўчынкі ўпершыню селі за школьныя парты. Шлях у краіну ведаў ім будуць адкрываць настаўнікі сярэдняй школы №2 горада Мар’іна Горка.
А напярэдадні ў госці да будучых першакласніц завітала старшыня раённага аб’яднання прафсаюзаў Людміла Гулякевіч. Сшыткі, альбомы, канцылярскія прылады — усё спатрэбіцца ў вучобе. Падарункі атрымалі і астатнія члены сям’і. Алена і Андрэй Бажанавы, дарэчы, выхоўваюць адзінаццаць дзяцей.
На мінулым тыдні споўніўся год, як быў заснаваны гэты дзіцячы дом сямейнага тыпу. З гэтай нагоды вялікая сям’я сабралася за святочным сталом.
Кацярына ДАБРЫЦКАЯ.