Пухавіччане паспяхова выступілі на Языльскай дыстанцыі

Выхаванцы Пухавіцкай СДзЮШАР.

У канцы верасня — пачатку  кастрычніка ўжо больш за 30 гадоў Старыя Дарогі прымаюць у сябе аматараў бегу на нацыянальным фестывалі «Языльская дзясятка».  У мінулым годзе  фестываль сабраў больш за дзве з паловай тысячы ўдзельнікаў і мноства гледачоў.  У гэтым годзе колькасць удзельнікаў  была,  безумоўна, меншай, але свята ўсё роўна адбылося.

— Было добрае надвор’е, добры настрой, якому спрыялі і паказаныя пухавіччанамі вынікі,  — расказвае неаднаразовы ўдзельнік фестывалю Сяргей Абідзіентаў. — Пухавіцкая каманда складалася сёлета  з 40 чалавек.  Самымі маленькімі  былі  прадстаўнікі   Пухавіцкай  СДзЮШАР — першакласнікі Багдан Жандроха, Ульяна Ціміжэўская, Каця Салаўёва, Маргарыта Маісеева.  Таксама ўдзельнічалі прадстаўнікі ФАЦ «Вікторыя» і вучні Пярэжырскай СШ, якіх рыхтаваў настаўнік Яўген Маленкін.  Адзін з іх, Кірыл  Ліпніцкі, заняў прызавое месца.  Дарэчы, і сам педагог выступаў на дыстанцыі.

На выдатна выступілі ў сямейнай эстафеце сем’і Маісеевых і Абідзіентавых.

Пераможцы сямейнай эстафеты.

Сярод дарослых 3-е месца на дыстанцыі 10 кіламетраў заняла Людміла Ліцвінская.

Усе ўдзельнікі фестывалю бегу ў намінацыях «Пяцісотка», «Школьны  камандны забег», «Карпаратыўны  забег»,   «Языльская дзясятка» і іншых атрымалі памятныя сувеніры ад арганізатараў.

Алена  МАКСІМАВА.