Пухавіцкі раён выканаў дзяржзаказ
Пухавіцкі раён выканаў дзяржзаказ па продажы збожжа новага ўраджаю. Гаспадаркам раёна трэба было здаць 8455 тон пшаніцы і 3000 тон жыта. Сельгаспрадпрыемствы спрацавалі звышплана: на ААТ “Мінскі камбінат хлеба-прадуктаў” адвезена 8747 тон пшаніцы і 3125 тон жыта.
Найбольшы ўклад у выкананне дзяржзаказу ўнесла ААТ “Агра-Абярэг” — 1968 тон. Больш за тысячу тон збожжа ў засекі дзяржавы адправілі хлебаробы ААТ “Зазерка”, ААТ “Голацк”, СУП “Дукора-Агра” , СГФ “Дрычын”.
Дзяржзаказ па продажы збожжа выконвалі таксама фермерскія гаспадаркі. “Высокая старына” рэалізавала дзяржаве 305 тон пшаніцы, “Макс” — 17 тон пшаніцы і 34 тоны жыта.
Напярэдадні ў сельгасарганізацыях масава вялася ўборка рапсу. Дзяржзаказ па здачы гэтай алейнай культуры раён выканаў на 105 працэнтаў. На агракамбінат “Дзяржынскі” адвезена 1795 тон рапсу. Лідарам з’яўляецца СУП “Дукора-Агра”: гаспадарка рэалізавала 318 тон.
Хутка на палях фермерскай гаспадаркі “Высокая старына” пачнецца ўборка грэчкі. 500 тон запланавана здаць у лік дзярж-заказу.
Праз некалькі тыдняў на палях некаторых сельгасарганізацый пачнецца масавая ўборка цукровых буракоў. 15000 тон салодкіх караняплодаў запланавана здаць дзяржаве. 3900 і 3400 тон цукровых буракоў адпаведна на ААТ “Слуцкі цукроварафінадны камбінат” будзе адвезена з палёў СФГ “Высокая старына” і ААТ “Племянны завод “Індустрыя”. Дзяржзаказ будуць таксама выконваць ААТ “Зазерка”, “Агра-Абярэг”, сельгасфіліялы “Дрычын” і “Светлая ніва”.
Кацярына ДАБРЫЦКАЯ.