Шчасце — гэта калі ўсе разам…
Так жыве сям’я Яўгена і Таццяны Антановічаў з Мар’інай Горкі
У сям’і Антановічаў — чацвёра дзяцей. Старэйшы Аляксандр заканчвае Ліцэй БДУ ў Мінску, дачкі Яраслава і Соф’я вучацца ў Мар’інагорскай гімназіі, а Лёва рыхтуецца стаць першакласнікам. У кожнага свае любімыя заняткі: школа мастац-тваў, фартэпіяна, вышыванне, валейбол, батут для малодшага… Бацькі робяць усё для таго, каб садзейнічаць выбару дзяцей. Аднак хто бы чым не захапляўся, у сям’і ўзята за цвёрдае правіла знаходзіць час, каб пабыць усім разам: падзяліцца планамі і марамі, што парадавала ці ўсхвалявала. Усе разам дружна выходзяць на агарод, дзе зараз самы час заняцца градкамі і цяпліцай, і ў шматлікія кветнікі, якія ўпрыгожваюць заўсёды акуратны двор. І адпачываць імкнуцца таксама ўсёй сям’ёй.
— Гэта сапраўднае шчасце — быць разам! — прызнаюцца бацькі, абдымаючы сваіх дзяцей.
Андрэй МАЗАНІК.