Шчыра віншуем пухавіччан з Новым годам!
Паважаныя пухавіччане!
Прыміце самыя шчырыя віншаванні з надыходзячым Новым годам!
Год 2020 не быў для нас простым. Нам усім давялося вучыцца жыць ва ўмовах пандэміі, вырашаць сур’ёзныя грамадскія праблемы. І ў пераднавагоднія дні верыцца ў тое, што ўсе праблемы мы пераадолеем, што ў справах і асабістым жыцці нас будуць суправаджаць згода і поспех.
Аднак 2020 год падараваў нам і нямала радасных момантаў. Хлебаробы раёна сабралі рэкордны ўраджай збожжавых, у Мар’інай Горцы адкрыўся басейн, хтосьці стварыў сем’і, у кагосьці нарадзіліся дзеці. Кожны адыходзячы год пакідае за сабой рэалізаваныя праекты, прыемныя моманты. Няхай жа ў надыходзячым годзе перад намі адкрыюцца новыя магчымасці, будуць дасягнуты новыя вяршыні.
Няхай кожны крок, кожны рух вядзе нас толькі да лепшага, а поспех суправаджае ва ўсіх пачынаннях.
У надыходзячым годзе жадаем кожнаму моцнага здароўя, шчасця, душэўнай стойкасці, упэўненасці ў сваіх сілах і аптымізму. Няхай заўсёды побач будуць вашы родныя і сябры, а ў вашых дамах пануюць дабрабыт і любоў.
Раённы выканаўчы камітэт.
Раённы Савет дэпутатаў.