Стаў лаўрэатам конкурсу «Віват, Пецярбург!»
Удзельнік сямейнага ансамбля “Жывіца” Борскага сельскага Дома культуры Юрый Крывашэй стаў лаўрэатам конкурсу «Віват, Пецярбург!», атрымаўшы дыплом I ступені. Ён прадставіў складаную сольную праграму, у якой прадэманстраваў свой узровень валодання самымі разнастайнымі народнымі музычнымі духавымі інструментамі і вакалам.
Зараз Юрый рыхтуецца да ўдзелу ў конкурсе “Іграй, гармонік!”, які адбудзецца ў Нясвіжы. У ім прыме ўдзел і інструментальная група сямейнага ансамбля “Жывіца”. А затым наш зямляк будзе прадстаўляць Мінскую вобласць і наш раён у Паставах на міжнародным конкурсе “Звіняць цымбалы і гармонік”.
У жыцці Юрыя адбылася яшчэ адна важная падзея: ён стаў членам Саюза музычных дзеячоў Рэспублікі Беларусь.
Наталля ПАРХОМЧЫК.
