Старшыня Пухавіцкага райвыканкама сустрэўся з працоўнымі калектывамі пасёлка Праўдзінскі
Старшыня раённага выканаўчага камітэта Віктар Каляда на мінулым тыдні ў рамках адзінага дня інфармавання насельніцтва сустрэўся з прадстаўнікамі калектываў прадпрыемстваў і арганізацый, якія працуюць на тэрыторыі пасёлка Праўдзінскі, а таксама пазнаёміўся з ходам работ па добраўпарадкаванні населенага пункта.
Удзельнікі сустрэчы змаглі задаць пытанні кіраўніку раёна. Абмяркоўвалася медыцынскае абслугоўванне жыхароў пасёлка, рамонт дарогі і будаўніцтва веласіпеднай дарожкі.
Жыхары пасёлка гаварылі аб тым, што ў многіх пытаннях, у тым ліку і добраўпарадкаванні пасёлка, ініцыятыва належыць старшыні Праўдзінскага пасялковага Савета Уладзіміру Губарэвічу, што апошнім часам у пасёлку праводзяцца розныя мерапрыемствы, і жыццё яго жыхароў стала больш цікавым.
Віктар Міхайлавіч Каляда адзначыў важнасць ініцыятывы, якая зыходзіць ад мясцовай улады, але і самі жыхары не павінны заставацца ў баку ад добрых спраў.
Вольга САВАСЦЮК.