У адной з лепшых сельгасарганізацый раёна прайшла акцыя «Наш жывёлавод»
Калектыў МТФ «Голацк».
Бягучы год ААТ “Голацк” пачало на лідарскіх пазіцыях у галіне жывёлагадоўлі. За два месяцы валавы надой малака склаў 1531 тону (114,6 працэнта да гэтага ж перыяду 2019 года). Надой малака на карову склаў 928 кілаграмаў. Нездарма падчас рэспубліканскай акцыі “Наш жывёлавод” акцэнт у гаспадарцы зрабілі на працу аператараў машыннага даення.
На самай вялікай ферме сельгаспрадпрыемства ўтрымліваецца 730 кароў. З пачатку года валавы надой малака тут склаў амаль 665 тон (108,4 працэнта да 2019 года). Надой малака на адну карову — 878 кілаграмаў. Такіх высокіх вынікаў дабіліся Таццяна Зварыкіна, Галіна Рабянок і Людміла Грышчанка.
У рамках акцыі віншаванні таксама атрымалі тэхнік-асемянатар Дзіяна Яскевіч і лабарант Ірына Верацельнік.
На МТФ “600 галоў” усталяваны сепаратар, таму сюды прывозяць малако з усіх фермаў гаспадаркі. Ірына Васільеўна праводзіць яго аналіз: вызначае тлустасць, тэмпературу, шчыльнасць, наяўнасць саматычных клетак і іншыя паказчыкі.
З пачатку года гатункам “экстра” ў гаспадарцы рэалізавана 875 тон малака (621 тона за два месяцы 2019 года) і 550 тон вышэйшым гатункам (657 тон у 2019 годзе). Таварнасць малака складае 95 працэнтаў.
Калектыў МТФ «600 галоў».
На МТФ “Хазянінкі” добра працуюць аператары машыннага даення Алена Лысенка і Таццяна Дударэвіч. Тут утрымліваюцца 320 кароў. З пачатку года валавы надой на ферме склаў амаль 349 тон (160 працэнтаў да 2019 года).
Алена Лысенка і Таццяна Дударэвіч.
У прафілакторыі на ферме апошнія тры гады самых маленькіх цялят даглядае Любоў Ляшковіч.
Любоў Ляшковіч.
Прыкладна ў двухмесячным узросце яна перадае цялят у групы, дзе жывёлу даглядаюць Міхаіл і Валянціна Хазяніны, Вольга Ліцяга, Алена Мазоўка. Гэтыя жывёлаводы ў рамках акцыі атрымалі падарункі ад старшыні райкама прафсаюза работнікаў АПК Анастасіі Арахоўскай.
Вольга Ліцяга, Валянціна і Міхаіл Хазяніны,
На МТФ “Голацк” — ферме з прывязным утрыманнем кароў — працуюць адзінаццаць аператараў машыннага даення. У ліку лідараў па надоях Галіна Хадыка (валавы надой за два месяцы склаў 56,3 тоны малака), Алена Азарэвіч (49,1 тоны малака), Таццяна Садоўская (48,1 тоны). У цэлым на ферме за два месяцы гэтага года надоена амаль 518 тон малака (на 12 тон больш, чым у 2019 годзе).
Кацярына ДАБРЫЦКАЯ.
