У першы клас Мар’інагорскай гімназіі прыйдуць адразу дзве пары двайнятак
2 верасня зноў пакліча да ведаў звонкі школьны званок.
Для першакласнікаў Дзень ведаў — асабліва хвалюючы і адказны момант. Таму многія ўжо зараз актыўна рыхтуюцца да свайго першага школьнага дня. А вось першакласнікі Дамір і Цімур Сафонавы, Кацярына і Аляксандра Каховічы ўжо паспелі пазнаёміцца з навучальнай установай, бо былі запрошаны на рэпетыцыю першай школьнай лінейкі.
Маленькія гімназісты ўжо ведаюць, што будуць даваць першы школьны званок. І, трэба сказаць, што такіх званкоў у Мар’інагорскай гімназіі яшчэ не было! Так супала, што ў першы клас у гэтым годзе прыйдуць адразу дзве пары двайнятак. Цікава будзе настаўніцы!
Алена ШАНТЫКА.