У раёне пачаўся сезон восеньскіх кірмашоў
Сезон восеньскіх кірмашоў пачаўся ў нашым раёне. Першы з іх адбыўся ў Мар’інай Горцы ў мінулую суботу. Гандлёвыя рады па традыцыі размясціліся на пляцоўцы таварыства з абмежаванай адказнасцю “Цэнтр падрыхтоўкі “Аўгур” па вуліцы Кастрычніцкая, больш вядомай як “аўтадром”.
Можна сцвярджаць, што на першым кірмашы найбольшым попытам у пакупнікоў карысталіся саджанцы кветак і садовых ягадных культур. Выстройваліся невялікія чэргі і каля прылаўкаў арганізацый, якія гандлявалі рыбай: ААТ “Рыбгас “Волма” і ААТ “Рыбгас “Любань”.
А вось да гародніны больш прыцэньваліся. Як прызналіся некаторыя пакупнікі, зрабіць запасы гародніны на зіму яны плануюць крыху пазней, калі прапаноў з боку прадаўцоў будзе больш.
Наталля ПАРХОМЧЫК.
