Выйшаў у свет новы зборнiк твораў пісьменнікаў Мiншчыны пра вайну
«Няўжо забыцца можна пра вайну…» — так называецца новы калектыўны зборнік твораў літаратараў Мінскага абласнога аддзялення Саюза пісьменнікаў Беларусі, які выйшаў да 75-годдзя Вялікай Перамогі.
У гэты зборнік увайшлі вершы, малая проза і тэксты песень 28 аўтараў — удзельнікаў літаратурна-песеннага конкурсу. Пазнаёміцца з творамі, уключанымі ў зборнік, можна на сайце Мінскага абласнога аддзялення Саюза пісьменнікаў Беларусі і на яго афіцыйнай старонцы на інтэрнет-рэсурсе Facebook, дзе яны амаль штодня публікуюцца пад рубрыкай «Літаратурны марафон «Святло Вялікай Перамогі». З новай кнігай і творчасцю аўтараў неўзабаве можна будзе пазнаёміцца і ў раённых бібліятэках вобласці.
Акрамя таго, як адзначыла кіраўнік абласной пісьменніцкай арганізацыі Святлана Быкава, у жніўні ў выдавецтве «Народная асвета» пры фінансавай падтрымцы Міністэрства інфармацыі пабачыць свет яшчэ адзін калектыўны зборнік пад назвай «Карані», прысвечаны Году малой радзімы.
Сайт Мінскага аблвыканкама.
