Азімая сяўба завершана
Сельгасарганізацыі раёна завяршылі сяўбу азімых збожжавых культур. Падрыхтоўка глебы і насення пад азімую сяўбу была праведзена своечасова і якасна. Земляробы раёна паспелі ў аптымальныя агратэхнічныя тэрміны.
Пра вынікі азімай сяўбы расказаў начальнік аддзела раслінаводства ўпраўлення сельскай гаспадаркі і харчавання райвыканкама Сяргей Кавалёў:
— Азімую сяўбу першымі ў раёне завяршылі ААТ “Вецярэвічы” і ААТ “Племянны завод “Індустрыя”. Вецярэвіцкія земляробы пасеялі 800 гектараў замест 700, земляробы з “Індустрыі” — 1230 (план — 1000). Пасеялі больш запланаванага таксама ААТ “Зазерка” і “Голацк”.
Падкрэслю, што сёлета мы хутчэй спра-віліся з сяўбой, чым у мінулым годзе. Старшыня райвыканкама Сяргей Ленкавец дапамог правільна арганізаваць работу на ўсіх узроўнях.
Некаторыя гаспадаркі прыходзілі на дапамогу сваім суседзям. Механізатары ААТ “ПЗ “Індустрыя” працавалі на сяўбе ў ААТ “Райаграсэрвіс” і РСДУП ЭБ “Зазер’е”. На падрыхтоўцы глебы тэхніка і людзі СУП “Дукора-агра” працавалі на палях сельгасфіліяла “Светлая ніва”. ААТ “Зазерка” прыйшло на дапамогу ПСУ “Рудзенскае”.
Стаўку ў гэтым годзе рабілі на азімую пшаніцу і трыцікале. Будзем чакаць добрых усходаў. Спадзяёмся, што зіма будзе снежнай, і пасеяныя азімыя культуры паспяхова перазімуюць.
Запісала Кацярына ВЕРНІКОЎСКАЯ.
ЛЕПШЫЯ на сяўбе азімых збожжавых культур
Мікалай ЛЯПЕШКА, механізатар ААТ “Агра-абярэг”, які на трактары МТЗ-3522 з агрэгатам АПП-6Д засеяў 948 гектараў.
Андрэй САЧАК, механізатар СУП “Дукора-агра”, які на трактары МТЗ-3522 з агрэгатам АПП-6Д засеяў 910 гектараў.
Павел ВАЛАСЕВІЧ, механізатар ААТ “Аграсімвал”, які на трактары МТЗ-3522 з агрэгатам АПП-6А засеяў 753 гектары.
Мікалай КУШПЕТ, механізатар ААТ “Зазерка”, які на трактары МТЗ-3022 з агрэгатам АПП-6Д засеяў 750 гектараў.
Сяргей БУНКЕВІЧ, механізатар ААТ “Ражджэственскае-агра”, які на МТЗ-3022 з агрэгатам АПП-6Д засеяў 750 гектараў.
Андрэй ЛАСКУНОЎ, механізатар ААТ “ПЗ “Індустрыя”, які на трактары “Фэндт 930” з агрэгатам Rabe Turbo Drill засеяў 701 гектар.
Аляксей ЕСІМЧЫК, механізатар ААТ “Шацк”, які на трактары МТЗ-3022 з агрэгатам ДЦ-1 засеяў 700 гектараў.
Аляксандр БАХУР, механізатар ААТ “Вецярэвічы”, які на трактары МТЗ-3522 з агрэгатам АПП-6Д засеяў 642 гектары.
Аляксей ШРЭЙДАР, механізатар СПФ “Дрычын” ААТ “Мінскі малочны завод №1”, які на трактары МТЗ-3022 з агрэгатам Pronto засеяў 616 гектараў.