На Пухавіччыне праходзіць акцыя “Наш жывёлавод”.
Жывёлаводы МТФ «Дудзічы-1» Вольга Літвін, Алена Булак, Таццяна Гурына, Валянціна Фаткулбаянава.
Другі год на Пухавіччыне праходзіць акцыя “Наш жывёлавод”, якую ініцыяваў Рэспубліканскі камітэт Беларускага прафсаюза работнікаў аграпрамысловага комплексу. Райкам прафсаюза работнікаў АПК ідэю падтрымаў: гэта не толькі магчымасць падзякаваць работнікам ферм і комплексаў, але і паглядзець, у якіх умовах працуюць жывёлаводы.
Сёлета першым прыпынкам на маршруце акцыі стала ААТ “Агра-Абярэг”. Да старшыні райкама прафсаюза работнікаў АПК Людмілы Ленкавец далучыліся дырэктар гаспадаркі Пётр Казак і старшыня прафсаюзнага камітэта Марына Якавіцкая.
Заслужаныя віншаванні атрымалі работнікі МТФ “Дудзічы-2”. Па выніках 2017 года гэта лепшая ферма ў гаспадарцы па надоях: надой на карову склаў 5801 кіла-грам, валавы надой — 1653 тоны. Падзякі ад райкама прафсаюза работнікаў АПК і прафсаюзнага камітэта гаспадаркі атрымалі брыгадзір Валянціна Баранава, аператары па вырошчванні цялят да шасці месяцаў Ганна Асіпук і Алена Чычко, аператар машыннага даення Алена Воранава.
Старшыня райкама прафсаюза работнікаў АПК Людміла Ленкавец віншуе трактарыста-машыніста Аляксандра Хадыку.
Пётр Казак і Людміла Ленкавец узнагародзілі таксама жывёлавода Канстанціна Брандта, трактарыстаў-машыністаў Дзяніса Монціка і Аляксандра Хадыку. Яны задзейнічаны на раздачы кармоў, абслугоўванні фермы і, безумоўна, уносяць свой уклад у агульную справу.
На некоторы час адклалі свае працоўныя абавязкі жывёлаводы МТФ “Дудзічы-1”. За добрасумленную працу ўзнагароды і падарункі атрымалі брыгадзір Вольга Літвін, аператары машыннага даення Таццяна Гурына, Валянціна Фаткулбаянава і Ірына Па-кроўская. Ірына Мікалаеўна па-стаянна трапляе ў лік перадавікоў сельгаспрадпрыемства. За мінулы год надой на карову ў яе групе склаў 6688 кілаграмаў.
У межах акцыі адзначаны таксама аператары машыннага даення МТФ “Наваполле” Ніна Петравец, МТФ “Грэбень” Галіна Янель і Наталля Жыцько. У 2017 годзе Наталля Віктараўна надаіла на карову 8531 кілаграм малака — гэта лепшы вынік у гаспадарцы.
Акцыя “Наш жывёлавод” — гэта яшчэ і добрая нагода для сустрэчы кіраўніцтва і прафсаюзнага актыву разам з калектывам у нефармальнай абстаноўцы. Людміла Ленкавец і Пётр Казак пажадалі жывёлаводам моцнага здароўя і дасягнення больш высокіх вытворчых паказчыкаў. На фермах зроблены добрыя ўмовы для работы: ёсць душавыя, пакоі для адпачынку, своечасова выплачваецца заработная плата. Можна меркаваць, што і надалей ААТ “Агра-Абярэг” будзе пераўзыходзіць свае вынікі і заставацца адной з лепшых гаспадарак раёна.
Акцыя “Наш жывёлавод” працягнецца да сакавіка.
Кацярына ДАБРЫЦКАЯ.
