Парад святочных навагодніх мерапрыемстваў адкрыла музычная казка “Таямніца Снежнай каралевы”
Парад святочных навагодніх мерапрыемстваў у нашым горадзе 16 снежня адкрыла музычная казка “Таямніца Снежнай каралевы”. Супрацоўнікі раённага цэнтра культуры падрыхтавалі яе для самых маленькіх гледачоў.
Спектакаль пастаўлены па матывах знакамітага твора Ганса Хрысціяна Андэрсэна. У знаёмы сюжэт пастаноўшчыкі ўнеслі свае ідэі. У выніку атрымаўся прыгожы музычны спектакаль — такі, які хочацца бачыць менавіта ў навагоднія святочныя дні.
— Мы імкнуліся, каб усё, што адбываецца на сцэне, было напоўнена чароўнай музыкай, харэаграфіяй, — расказала дырэктар раённага цэнтра культуры і рэжысёр спектакля Алена Салагубава. — Ажыццявіць усе задумкі дапамаглі ўдзельнікі мала-дзёжнага клуба “Мы — разам”, што працуе пры раённым цэнтры культуры. У спектаклі ўпершыню выйшлі на сцэну 5-6 гадовыя артысты харэаграфічнага ансамбля “Карамелькі”.
Спектакль адбыўся пры поўным аншлагу. І гэта, канешне, радасна. Для тых, хто не паспеў паглядзець цудоўную казку, запланаваны яе паўтор, які адбудзецца 5 студзеня.
