ПАВАЖАНЫЯ ЖЫХАРЫ ПУХАВІЦКАГА РАЁНА! Прыміце сардэчныя віншаванні з галоўным святам нашай краіны — Днём Незалежнасці!
Прыміце сардэчныя віншаванні з галоўным святам нашай краіны — Днём Незалежнасці!
3 ліпеня — гэта свята ўсіх, для каго з’яўляюцца дарагімі і зразумелымі нашы агульныя каштоўнасці: гонар за краіну, жаданне працаваць для яе росквіту, любоў да сваёй зямлі, сям’і, родных. Яно нагадвае нам пра каштоўнасць кожнай хвіліны мірнага жыцця, заваяванага коштам мільёнаў жыццяў.
3 ліпеня мы адзначаем 78-ю гадавіну вызвалення Беларусі ад нямецка-фашысцкіх захопнікаў. У гэты дзень мы з асаблівай цеплынёй успомнім сваіх землякоў, якія гераічна змагаліся на франтах Вялікай Айчыннай вайны, у падполлі і партызанскіх атрадах, самааддана працавалі ў тыле. І наш абавязак — памятаць, што сёння мы жывем, працуем, гадуем дзяцей і будуем сваю будучыню ў незалежнай суверэннай краіне.
Дарагія ветэраны, вы застаецеся для нас узорам сілы духу, мужнасці, гераізму, адданасці і бязмежнай любові да Радзімы. Працягваючы слаўныя традыцыі старэйшых пакаленняў, мы імкнемся стваральнай працай ўнесці сваю лепту ў развіццё і росквіт нашай краіны, роднай Пухавіччыны.
У гэты светлы і радасны дзень жадаем усім моцнага здароўя, сямейнага шчасця, узаемаразумення, згоды і дабрабыту! Няхай кожны дзень будзе напоўнены радасцю, цяплом, поспехамі і новымі дасягненнямі! А над нашай краінай няхай заўсёды будзе мірнае неба!
Раённы выканаўчы камітэт.
Раённы Савет дэпутатаў.