Працаўнікі лясной гаспадаркі адзначаць сваё прафесійнае свята
Лес — самы значны прыродны рэсурс Беларусі. Прымнажаць і эфектыўна выкарыстоўваць яго — галоўная задача працаўнікоў лясной гаспадаркі. Паспяхова спраўляецца з гэтай справай калектыў Пухавіцкага лясгаса, які ў дастатку мае і такі важны вытворчы рэсурс, як прафесіяналы высокага ўзроўню.
Ляснік Рудзенскага лясніцтва Рыгор Мазоўка займаецца пасадкай і аховай леса. За 36 гадоў работы ў лясніцтве з яго ўдзелам пасаджаны і вырашчаны сотні гектараў лясных насаджэнняў. За шматгадовую сумленную працу і вялікі ўклад у справу вырошчвання і аховы леса Рыгор Уладзіміравіч атрымаў званне “Ганаровы лесавод Міністэрства лясной гаспадаркі Рэспублікі Беларусь”.
Брыгадзір, станочнік 5-га разраду Пётр Ладуцька працуе ў цэху дрэваапрацоўкі Пухавіцкага лясгаса, дзе выпускаюцца піламатэрыялы, якія карыстаюцца вялікім попытам на замежным і ўнутраным рынках.
Андрэй МАЗАНІК.