Прафсаюзныя лідары ўзнагародзілі перадавікоў сельгасвытворчасці
У СВФ “Дрычын” завяршылі жніво. Збожжавыя і зернебабовыя культуры ўбралі на 1770 гектарах. Валавы збор збожжа склаў 8 тысяч тон, што значна больш, чым летась.
Убіралі збожжа сем экіпажаў. Жніво назвала лідараў гаспадаркі: Сяргей Дацкевіч, Максім Сямёнаў, Андрэй Мянькоў, Уладзімір Мазуронак, Станіслаў Новік, Аляксандр Туміловіч, Яўген Пляско. Два вадзіцелі, Дзмітрый Мялешка і Валянцін Сямёнаў, перавезлі звыш дзвюх тысяч тон зерня ад камбайна.
Старшыня Мінскай абласной арганізацыі прафсаюза работнікаў дзяржаўных і іншых устаноў Уладзімір Філімонаў, старшыня раённага аб’яднання прафсаюзаў Людміла Гулякевіч і старшыня райкама прафсаюза работнікаў дзяржаўных і іншых устаноў Марына Дрозд павіншавалі камбайнераў з працоўнымі дасягненнямі, уручылі падзякі старшыні райвыканкама і грашовыя прэміі.
У КСУП “Зазерка” таксама паставілі кропку ў жніве. І ў гэтай гаспадарцы атрымалі сёлета добры ўраджай — 42 цэнтнеры збожжа з гектара.
Прафсаюзныя лідары павіншавалі ў полі камбайнераў Сяргея Зароўнага, Дзмітрыя Клунко, вадзіцеля Міхаіла Навіцкага, які ўжо перавёз 2709 тон зерня ад камбайна. А таксама загадчыцу склада Таццяну Чарток і трактарыста-машыніста Мікіту Федаровіча.
Анастасія ПЛЯТНЁВА.