Пухаўчане будуць сустракаць удзельнікаў праекту Рэспубліканскі маладзёжны поезд #БеларусьМоладзьАдзінства»
На гэтым тыдні ў горадзе Гродна, які ў гэтым годзе аб’яўлены маладзёжнай сталіцай Беларусі, стартаваў праект «Рэспубліканскі маладзёжны поезд #БеларусьМоладзьАдзінства».
На працягу 8 дзён 100 яго ўдзельнікаў на чыгуначным поездзе праедуць амаль 2 тысячы кіламетраў па тэрыторыі Беларусі. Яны наведаюць абласныя і раённыя цэнтры, азнаёмяцца са знакавымі і значнымі для нашага народа аб’ектамі, створанымі ў эпоху незалежнай Беларусі, аддадуць даніну памяці загінуўшым і жывым героям Вялікай Айчыннай вайны, прымуць удзел у ад-крытых дыялогах, сустрэчах з кіраўнікамі арганізацый дзяржаўнага кіравання, дэпутатамі, лідарамі грамадскіх арганізацый, абмяркуюць з прадстаўнікамі органаў дзяржаўнага кіравання рознага ўзроўню і моладдзю рэгіёнаў актуальныя пытанні рэалізацыі дзяржаўнай мала-дзёжнай палітыкі.
У спісе гарадоў, дзе зробіць прыпынак рэспубліканскі маладзёжны поезд, і Мар’іна Горка: пухаўчане будуць сустракаць удзельнікаў праекту 21 ліпеня.
Па дадзеных інтэрнэт-рэсурсаў.