Рудзенскія «Фіялкі» сталі лаўрэатамі I ступені
У Мінску 1 лютага праходзіў II Міжнародны тэлевізійны праект «Кубак дружбы». У ім прымалі ўдзел калектывы з Беларусі, Расіі, Кітая і іншых краін. У ліку канкурсантаў быў і ансамбль цымбалістаў «Фіялкі» з Рудзенскай дзіцячай школы мастацтваў. Выпрабаванне было вельмі сур’ёзным. Падчас выступлення ўдзельніцы калектыву прадэманстравалі ўсё сваё майстэрства і сталі лаўрэатамі I ступені. Падняцца на такую высокую прыступку ім дапамагла кіраўнік калектыву Лілія Фурс. Зараз дзяўчынкі рыхтуюцца да паездкі ў Санкт-Пецярбург на чарговы конкурс.
Наталля ПАРХОМЧЫК.