Супрацоўнікі РАУС далучыліся да акцыі “Тыдзень леса – 2021”
Супрацоўнікі раённага аддзела ўнутраных спраў у мінулую суботу працавалі ў Амяльнянскім лясніцтве. Яны далучыліся да акцыі “Тыдзень леса – 2021”, прысвечанай Году народнага адзінства. Памер дзялянкі, якая была выдзелена пад пасадку леса, склаў амаль тры з паловай гектары. З цягам часу там падымуцца сосны і бярозы. Аб тым, што новы лес у квартале 30 Амяльнянскага лясніцтва вырасце ў тым ліку дзякуючы супрацоўнікам РАУС, напомніць спецыяльная шыльда, якая была ўсталявана на месцы правядзення суботніка.
Наталля ВАСІЛЬЕВА.
