Сёння сваё прафесійнае свята адзначаюць работнікі прадпрыемстваў энергетычнай галіны раёна
Паважаныя работнікі прадпрыемстваў энергетычнай галіны раёна!
Прыміце самыя цёплыя віншаванні з вашым прафесійным святам — Днём энергетыка!
Энергетыка сёння — адна з самых важных і складаных галін эканомікі, ад якой залежыць жыццезабеспячэнне людзей, стабільная праца прамысловасці і сельскай гаспадаркі, аб’ектаў сацыяльнай сферы. Праца энергетыка патрабуе высокага прафесіяналізму і дысцыплінаванасці. Незалежна ад пары года, умоў надвор’я вам трэба дзейнічаць зладжана і аператыўна, з разуменнем велізарнай адказнасці, што ляжыць на вашых плячах. Дзякуй вам за працу, добрасумленнасць і прафесіяналізм!
Асаблівыя словы падзякі — ветэранам Беларускай энергасістэмы. Дзякуючы вам, маладому пакаленню энергетыкаў перадаюцца неацэнныя веды, захоўваюцца і прымнажаюцца лепшыя традыцыі калектываў.
Ад усёй душы жадаем новых працоўных здзяйсненняў, поспехаў і ўдачы! Моцнага здароўя, асабістага шчасця вам і вашым блізкім!
Раённы выканаўчы камітэт.
Раённы Савет дэпутатаў.
