У Пухавіцкім раёне правялі акцыю «Нарыхтоўкі на зіму»
У межах рэспубліканскай кампаніі «Клопат» раённая арганізацыя ГА «Беларускае Таварыства Чырвонага Крыжа» правяла акцыю «Нарыхтоўкі на зіму», мэтай якой стала аказанне дапамогі пажылым людзям, у якіх ёсць праблемы з перамяшчэннем і самаабслугоўваннем. Для іх сельскагаспадарчае прадпрыемства «Эксперыментальная база «Зазер’е» прадаставіла 2,5 тоны бульбы, а Мар’інагорская цэнтральная раённая бальніца дапамагла з транспартам для дастаўкі. Дапамогу атрымалі 25 чалавек. Дастаўкай бульбы займаліся 5 членаў валанцёрскай групы «Сонейка», якая працуе пры раённай арганізацыі ГА «БТЧК».
Наталля ПАРХОМЧЫК.