Сяргей Ніпарко з ААТ “Ражджэственскае-Агра” — лепшы араты ў раёне
Сяргей Ніпарко з ААТ “Ражджэственскае—Агра” — адзіны механізатар у раёне, які з 15 жніўня па 1 верасня пад азімыя збожжавыя заараў больш за 500 гектараў плошчы. За плённую працу малады механізатар атрымаў Ганаровую грамату райвыканкама і грашовую прэмію.
Канкурэнтаў у Сяргея Сяргеевіча было нямала: штодзень на ворыве ў гаспадарках раёна працуюць больш за дваццаць чалавек. Аднак толькі ён уклаўся ў тэрміны, якія былі вызначаны раённым выканаўчым камітэтам, і дасягнуў пастаўленай мэты.
— Я хацеў паказаць нашу гаспадарку з лепшага боку, — гаворыць Сяргей. — І асабіста для сябе было цікава: ці змагу заараць такую плошчу за два тыдні. Было няпроста, але вы-нікам я задаволены.
Сяргей Ніпарко працуе на энерганасычаным трактары МТЗ-3522, тэхніка падводзіла маладога механізатара. Амаль шэсць дзён вымушаных перапынкаў адпаведным чынам уплывалі на настрой Сяргея. Таму працаваў і ноччу.
А нядаўна ён зачапіў да свайго трактара агрэгат для падрыхтоўкі глебы.
Сяргей Ніпарко працягвае працоўную дынастыю. У ААТ “Ражджэственскае-Агра” працуе яго бацька, які сёлета намалаціў тысячу тон зерня на жніве.
Кацярына ДАБРЫЦКАЯ.