Уся прафесійная біяграфія звязана з Мар’інай Горкай
Уся прафесійная біяграфія ўрача-педыятра Людмілы Пісецкай звязана з Мар’інай Горкай: з 1 кастрычніка 1986 года Людміла Іванаўна працуе ў раённай паліклініцы. За гэты час сталі бацькамі тыя дзеці, якіх калісьці прыводзілі на прыём да дзіцячага доктара іх мамы.
— Я вельмі люблю сваю працу, люблю маленькіх дзетак, — расказвае Людміла Іванаўна. — Ні хвіліны не шкадавала, што выбрала гэтую прафесію.
Людміла Пісецкая за шматгадовую працу і адданасць прафесіі занесена на раённую Дошку Гонару. Яна была ўзнагароджана Ганаровай граматай раённага выканаўчага камітэта на Свяце Працы, якое адбылося ў мінулую суботу.
Алена ШАНТЫКА.