Чарговы працоўны дзень Алег Белаконеў правёў у нашым раёне
Размовы ці рэальныя справы?
Такім пытаннем задаўся Алег Белаконеў, вывучаючы падыходы ў рабоце з моладдзю ў раёне
Чарговы працоўны дзень, які дэпутат Палаты прадстаўнікоў Нацыянальнага сходу Рэспублікі Беларусь Алег Белаконеў правёў у нашым раёне, быў прысвечаны маладзёжнай праблематыцы.
За «круглым сталом» ішла размова аб рабоце з моладдзю.
У ліку мерапрыемстваў, пазначаных у рабочым плане дэпутата, быў і «круглы стол», які прайшоў на базе рэдакцыі раённай газеты. Удзел у ім прымалі лідары прафсаюзных арганізацый раёна. Падчас дыялогу гаворка ішла аб маладзёжнай палітыцы, якую зараз праводзяць прафсаюзы.
Прафсаюзныя актывісты расказалі Алегу Аляксеевічу, якая падтрымка маладым спецыялістам аказваецца ў рамках калектыўных дагавораў, прынятых на прадпрыемствах і ў арганізацыях раёна. Аб тым, што калег, якія толькі пачынаюць свой шлях у прафесію, прафсаюзныя лідары ў працоўных калектывах імкнуцца не пакідаць адзін на адзін з праблемамі, дапамагаюць іх вырашаць. І работа з моладдзю — гэта не толькі гутаркі, але і канкрэтныя справы.
У рамкі агульнай тэмы дня ўпісваўся і візіт дэпутата ў Шацкую сярэднюю школу: Алег Аляксеевіч перадаў установе адукацыі камп’ютары. Такое папаўненне матэрыяльна-тэхнічнай базы школы адназначна станоўчым чынам паўплывае на арганізацыю навучальнага працэсу, будзе спрыяць інтэлектуальнаму развіццю навучэнцаў.
У дар Шацкая сярэдняй школе Алег Белаконеў перадаў камп’ютар.
Наталля ПАРХОМЧЫК.
