Гаспадаркі раёна пачалі сеяць кукурузу

Механізатар Алег Руды.

Услед за яравымі зерневымі культурамі на палетках раёна пачалася сяўба кукурузы. Напрыканцы мінулага тыдня яе пачалі сеяць земляробы ААТ “Аграсімвал”.

— Кукуруза сёлета зойме 680 гектараў.  Гэта амаль на 50 гектараў больш,чым у мінулым годзе, — расказвае галоўны аграном гаспадаркі Марыя Цымановіч. — Звычайна гэту злакавую культуру мы ўбіралі толькі на сілас. Сёлета частку плануем пакінуць на зерне.

Першым на поле выехаў Уладзіслаў Лабанок, які праводзіў ворыва.   Мінеральныя ўдабрэнні ўносіў Уладзімір Савіч, арганіку — Сяргей Руды, Сяргей Пікулік, Пётр Мотуз і Георгій Фурс. Падрыхтоўкай глебы  займаўся Аляксандр Руды, сын галоўнага сейбіта  Алега Рудага.

— Пакуль з кукурузнай сеялкай на палях працуе Алег Руды, але ў бліжэйшы час да яго далучацца Георгій Фурс і Іван Абакунчык, — падкрэс-лівае галоўны аграном. — Кукурузу трэба пасеяць за дваццаць дзён. Мы разлічваем справіцца хутчэй.

У сельгасарганізацыі паклапаціліся аб добрых папярэдніках: гэтыя  злакавыя расліны  будуць вырошчваюць  на палях, дзе былі шматгадовыя травы. Таксама кукуруза любіць цяпло і вільгаць, таму земляробы спадзяюцца на спрыяльнае надвор’е.

Кацярына ВЕРНІКОЎСКАЯ.