Горад апрануўся у навагодняе ўбранства.

У Мар’інай Горцы на плошчы каля раённага цэнтра культуры ўстаноўлена елка, якой выпаў гонар называцца галоўнай  навагодняй  елкай  раёна. Зялёная прыгажуня адпавядае ўсім стандартам гэтага ганаровага статусу: стройная, густая, высокая (вышынёй 15 метраў).

На працягу сямідзесяці гадоў расла яна ў лесе Блужскага лясніцтва і сёлета будзе радаваць сваёй прыгажосцю жыхароў  і   гасцей  горада   на   Новы  год   і  Ражджаство.  Надалі  зялёнай  прыгажуні  святочны  выгляд  работнікі   УП “Жылцепласэрвіс” КГ раёна.